search engine

[së:ç 'enxhin ] makinë kërkimi (Kur kërkojmë ndonjë dokument, shfletuesit ua përcjellin kërkesën makinave për kërkim ( search engines ), të cilat kanë për detyrë ta gjejnë dokumentin e kërkuar dhe adresën e tij.

- Programe më të njohura për kërkim janë:

● Yahoo (http://www. yahoo.com)

● Google (http://www.goople.com)

● Alta Vista (http://altavista.digital.com)

● Lycos (http://www.lycos.com)

● Hot Bot (http://www.hotbot. com)

● Infoseek (http://www.infoseek. com)

● Magellan (http://mckinley.com) etj.

- Çdo vjet revista kompjuterike me renome i rangojnë këto kërkues sipas shpejtësisë së gjetjes së një dokumenti dhe mënyrat e ndryshme me të cilat vijnë deri të informatat e caktuara.

Makinat kërkuese kërkojnë dokumentin ose dokumentet, në bazë të disa fjalëve kyçe. Ato automatikisht ndërlidhen me veb-faqet dhe i kategorizojnë përmbajtjet e tyre (bëjnë tabela për përmbajtjet e çdo faqeje të paraqitur te këto kërkues), pastaj lidhen me faqet linqet e të cilave janë gjetur dhe përsërisin procesin e njëjtë. Në këtë mënyrë serviset formojnë baza të të dhënave për veb dokumentet (dokumentet që gjenden në veb-faqet e kërkuara).

- Për shembull, nëse doni të lexoni diçka më shumë për observatoriumin Kokino, e shënoni fjalën kyçe Kokino dhe klikoni mbi tastin Search . Do të fitoni listë të veb dokumenteve që përmbajnë këtë fjalë. Kërkuesi do t'Ju informojë se janë gjetur gjithsej 775 veb-faqe, ku përmendet fjala e kërkuar dhe se kërkimi i përfunduar është realizuar për 0,27 sekonda.

- Ka disa mënyra se si ta/t'i shënojmë fjalën/fjalët kyçe:

1. +Kokino +Shkup - jep listë dokumentesh që i përmbajnë të dyja fjalët,

2. +Kokino -Shkup - jep listë dokumentesh që përmbajnë fjalën e parë, por jo të dytën,

3. Kokino Shkup -jep listë dokumentesh që përmbajnë së paku njërën nga fjalët e shënuara,

4. "Kokino, Shkup" -jep listë dokumentesh që përmbajnë frazën nën thojza, ashtu siç është shkruar